आतिशी छक्का उडावे खातिर मशहूर महेन्द्र सिंह धोनी चैपियंस लीग बीसबीसा के इतिहास के सबले तेज पचासा ठोक मरले. चेन्नई सुपरकिंग्स के कप्तान धोनी बियफे का दिने सनराइजर्स हैदराबाद का खिलाफ छक्कन के बरसात करत सोरहे गेंद पर 50 रन बनावे के नया रिकार्ड बना डलले. एकरा साथे धोनी कैरेबियाई बल्लेबाज किरोन पोलार्ड के 18 गेना पर पचासा बनावे के रिकार्ड तूड़ दिहले जवन पोलार्ड साल 2009 में त्रिनिदाद एंड टोबेगो का तरफ से खेलत न्यू साउथ वेल्स के खिलाफ बनवले रहले.
काल्हु के मैच में धोनी 19 गेंद पर नाबाद 63 रन बनवले जवना में एगो चौका आ आठ गो छक्का रहल. एह खेल में धोनी तिशारा परेरा के एके ओवर मे 34 रन ठोक दिहले जवन टूर्नामेंट के रिकार्ड बन गइल, एहमें धोनी पारी के 18वाँ ओवर मे परेरा के गेदन पर पांच गो छक्का मरले.
(वार्ता)
चैपियंस लीग इतिहास के सबले तेज पचासा मरले धोनी
0 Comments