बनारस हिन्दू विश्वविद्यालय के काल्हु संपन्न दीक्षान्त समारोह के संबोधित करत उपराष्ट्रपति मोहम्मद हामिद अंसारी कहले कि विश्वविद्यालय भविष्य का बारे में चिंतन मनन करे के सबले बढ़िया जगह ह. इहो कहलन कि भारत के बहुलतावाद ओकरा राष्ट्रवाद के भावनो से जुड़ल बा. मौका पर मंचासीन विश्वविद्यालय कुलाधिपति डा॰ कर्ण सिंह विश्वविद्यालय के महत्ता के उल्लेख करत विद्यार्थियन के सफल जीवन के कामना कइल. एह समारोह में छब्बीस गो मेधावी विद्यार्थियन के स्वर्ण पदक से सम्मानित करे का साथ साथ तीन सौ चौसठ लोग के पीएचडी, २५०५ जने के परास्नातक आ ४२०७ छात्रन के स्नातक के उपाधि दिहल गइल.