केन्द्र सरकार कानून बनावे जात बिया जवना का बाद घूस देबहू वालन के जेल भेजल जा सकी. अबहीं ले घूस दिहल अपराध ना रहुवे, लिहले अपराध रहुवे. एह चलते लोग घूस खोर अधिकारी के शिकायत कर के रंगे हाथ पकड़वा देत रहुवे. सरकारी अधिकारियन के मनोबल पर एकर खराब असर पड़त देख सरकार कानूने बदल दी आ अब घूस देबहुवो वाला अपराधी मानल जइहें आ उनुको के सजा दिहल जाई.

एह संशोधन का बाद सरकारी अधिकारियन का खिलाफ घूस लेबे के शिकायत में एकदमे कमी हो जाई आ सरकार ढिंढोरा पीट पाई कि भठियरपन पर काबू हो गइल बा.