संयोगिता फिल्म्स के बैनर में बनल सिनेमा भोजपुरी के सबसे सफल निर्माता आलोक कुमार के नयकी फिलिम ‘देवरा पे मनवा डोले’ १० मई से बिहार में रिलीज होखत बा. प्रेमांशु सिंह के निर्देशन में बनल एह समहर मनोरंजन वाली फिलिम में नयका सुपरस्टार खेसारी लाल यादव का संगे स्मृति सिन्हा, अंजना सिंह, रानी चतुर्वेदी, प्रकाश जैस, अनुप अरोड़ा आ बृजेश सिंह के प्रमुख भुमिका बा.

नायक खेसारीलाल एह फिल्म में अपना भईया के साली स्मृति सिन्हा से दिल लगा लेत बाड़े. संगीत मधुकर आनंद के, गीत विनय बिहारी, फनीन्द्र राव, कृष्णा बेदर्दी आ प्यारे लाल यादव के बा. भोजपुरी के स्टार गायक अभिनेता पवन सिंह एह फिल्म में ‘‘रूपवा सलोना ए धनिया मन करे निहारत रहीं’’ गाना गवले बाड़न. फिल्म के बहुते गाना जइसे कि दिदिया रे दिदिया देवरे पे मनवा डोले, ए सजना बोलऽ अईब की ना अईब, उठवना क द दुध के अबहिए से लोग का जुबान पर चढ़ चुकल बा.

(प्रशांत निशांत के रपट)