उत्तर प्रदेश के अखिलेश सरकार सपा के चुनावी वादा पूरा करे खातिर मुस्लिम आरोपियन पर से मुकदमा उठावल चाहत बिया. एही खातिर गोरखपुर सीरियल बम ब्लास्ट के दोषियन पर से मुकदमा उठावे के निहोरा कोर्ट से कइले रहुवे. बाराबंकी के अदालत सरकार के एह गोहार के नकार दिहलसि आ मुकदमा हटावे के अनुमति ना दिहलसि. जान जाईं कि तारिक कासमी आ खालिद मुजाहिद पर मई २००७ में गोरखपुर में सीरियल ब्लास्ट करे के आरोप बा. एह हमला में छह जने घवाहिल भइल रहलें. कोर्ट सइहो कहलसि कि सरकार बता ना पवलसि कि कइसे केस उठवला से साम्प्रदायिक सौहार्द पैदा होखी आ कवना तरह ई जनहित में होखी.