दूल्हा अलबेला
भोजपुरी सिनेमा के इतिहास में सफलतम फिलिमन में से एगो निरहुआ रिक्शावाला पेश करे वाला अंक मीडिया प्रा॰लि॰ अब अपना बैनर तले दोसरका भोजपुरी फिलिम दूल्हा अलबेला ले के आ रहल बा. दूल्हा अलबेला के निर्माता हउवन अशिक कोटवानी आ निर्देशक केडी जे निरहुओ रिक्शावाला के निर्देशक रहलन.
एह रोमांटिक लव स्टोरी में भाई बहिन के प्यार आ ओह बहिन के एगो सीधा सादा लड़िका का साथे मुहब्बतो के देखावल गईल बा.
दूल्हा अलबेला के मुख्य किरदारन में सुशील सिंह, विक्रांत सिंह, मोनालिसा, प्रकाश जैस, पृथ्वी सिंह, मेहनाज, मामा यादव आ इरशाद खान बाड़े.
गीत श्याम देहाती के लिखल हवे आ संगीत राजेश रजनीश के. संवाद लिखले बाड़े सुरेन्द्र मिश्रा.
फिल्म में विक्रांत सिंह एगो मस्तमौला युवक का किरदार में बाड़े जे मोनालिसा का मोहब्बत में बहुत कुछ कर गुजरत बा. फिल्म के फर्स्ट लुक देख के इहे लागत बा कि विक्रांत मोनालिसा के जोड़ी लोगन के बहुते पसन्द आई.
फिल्म छठ का मौका पर रिलीज कईल जाई.