बलिया के नगर विधायक आ सपा नेता नारद राय के ई बाति बहुते नागवार गुजरल बा कि जिलाधिकारी उनका बारे में ई कइसे कह दिहलन कि विधायक के जिलाधिकारी से बतियावल चाहत रहे आ खुद जा के अस्पताल में चलत निर्माण कार्य रोकवावे के कवनो जरूरत ना रहल. विधायक के कहना बा कि जिलाधिकारी के दिमाग खराब हो गइल बा जे एह तरह के बात करत बाड़न.

वइसे कहे वाला लोग कहत बा कि सगरी मामिला धनराशि के लूट खसोट के बा. माले के जिला कमेटी सदस्य लक्ष्मण यादव कहले बाड़न कि सगरी झगड़ा एह ला होत बा कि सरकारी धन के लूटे.