राजद के छात्र संगठन पिछला बियफे कादिने जयप्रकाश विश्वविद्यालय के कुलपति के मुंह पर करीखा पोत दिहलें. कुलसचिवो का मुँह पर करीखा लगावल गइल. राजद के ई छात्र कार्यकर्ता माँग करत रहलें कि छात्र संघ के चुनाव करावल जाव, कॉलेज में शिक्षकन के वैकल्पिक व्यवस्था कइल जाव आ विश्वविद्यालय परिसर में जेपी के मूर्ति लगावल जाव. एह लइकन के नेतृत्व विवि अध्यक्ष सुशील कुमार डब्लू करत रहलें.