माई के गोदी से बचवा के ले भगलन स

मनियर। बलिया। सतकू बाबा स्थान पर एगो विक्षिप्त मेहरारू के गोदी से ओकर ढाई महीना के लइका के बोलेरो गाड़ी में आइल कुछु आदमी छीनि के ले के भाग गइलन ह स। बतावल जाता कि बुधवार के रात एक बजे चार जने बोलेरो गाड़ी से आइ के झपटि के ओकरा गोदी से लइकवा के ले के भागि गउअन स। लोग बहुते जुटुवे बाकी गाड़ी ना पकड़ि में अउवे। लइकवा के माइ थाना में गउवे त थानेदार डांटि के भगा दीहुवन त उ जिला के अफसरन कीहा शिकायत करे गउए।

0 Comments

Submit a Comment

Your email address will not be published. Required fields are marked *