सिनेमा भोजपुरी का परदा पर सुपरहिट फिल्म ‘यूपी बिहार बम्बई एक्सप्रेस’ दे चुकल आ हाल ही में प्रदर्शित भइल ‘देवरा पे मनवा डोले’ के प्रस्तुतकर्त्ता सुजीत तिवारी अब मशहूर निर्देशक असलम शेख क होम प्रोडक्शन फिल्म ‘रखवाला’ के प्रस्तुत करीहें. निर्माता इश्तियाक शेख ‘बंटी’-रीतू शर्मा के एह फिल्म में भोजपुरी सुपरस्टार निरहुआ, रिंकु घोष, अवधेश मिश्रा, संजय पाण्डेय आ ब्रजेश त्रिपाठी के प्रमुख भूमिका बा.

बकौल सुजीत तिवारी ऊ आ उनुकर कम्पनी सी.पी.आई. मुवीज हमेशा से नीमन फिलिमन के सहयोग देत आइल बा. रखवाला भोजपुरी में बनल एगो बेहतरीन फिल्म होखी. सुजीत तिवारी-सी.पी.आई. मुवीज निरहुआ के ‘एक बिहारी सब पे भारी’ अउर ‘गुलाम’ फिलिमो के प्रस्तुत करत बाड़ें.

(प्रशांत निशान्त के रपट)