गदहा त खेत चर के अघा गइल आ मजे में बा बाकिर ओकर खामियाजा अब आम आदमी के भुगते के पड़ी. केन्द्रीय दूर संचार मंत्री कपिल सिब्बल कहले बाड़न कि अब लाइसेंस लेबे वाली कंपनी के स्पेक्ट्रम खातिर अलगा से भुगतान करे के होई. पुरनकी कंपनियन के ६.२ मेगाहर्ट्ज फोकट में मिली जबकि नयकी कंपनियन के १.८ मेगा हर्ट्ज. एहले अधिका खातिर अलग से भुगतान करे के पड़ी. नयका लाइसेंस लेबे वाली कंपनी एकरा के अपना साथ होखे वाला अन्याय बतावत बाड़ी सँ.

अबही ले स्पेक्ट्रम के दाम तय नइखे भइल आ जवन तय होखी उहे भुगतान करे के पड़ी. मोबाइल कंपनी कहत बाड़ी सँ कि सरकार के एह फैसला से मोबाइल सेवा महँग करे के पड़ी.