काल्हु पश्चिम बंगाल के मालदह जिला में कालियाचक का लगे गुवाहाटी बैंगलोर एक्सप्रेस के कुछ डिब्बा इंजन समेत पटरी से उतर गइल रहली सँ. एह पलटल ट्रेन के कुछ हिस्सा बगल वाला दोसरा पटरी पर गिर पड़ल रहे. बाद में ओह पटरी पर आवत अजीमगढ़ पैसेंजर ट्रेन एह पलटल ट्रेन से टकरा गइल. हालांकि बतावल जात बा कि पैसेंजत ट्रेन के ड्राइवर इमरजेंसी ब्रेक लगा के टक्कर रोके के पूरा कोशिश कइलसि बाकिर टक्कर होइये गइल जवना में करिब दु दर्जन सवारी घवाहिल हो गइले.

हमेशा का तरह दुर्घटना के जाँच के आदेश दे दिहल गइल बा.