अइसन नइखे कि सिनेमा आ गीते गवनई के टीजर जारी होखल करेला. किताब आ समाचारो के टीजर जारी होखेला. आजु काल्हु त शादिओ बिआह के टीजर जारी होखे लागल बा प्रीवेडिंग शूट करा के. पता ना सुहागरात के टीजर देखावे के जमाना आवे में कतना दिन लागी. पता ना हो सकेला कि पच्छिमी देशन में आवल शुरुओ हो गइल होखे आ ओहनी के देखा-देखी कहियो अपनो समाज में अइसने बेमारी पसरा लागो.

एह भूमिका का पाछे के खबर ई बा कि काल्हु सोमार 6 मई 2024 के रात 9 बजे से टाइम्स नाऊ नवभारत पर पीएम मोदी के एगो साक्षात्कार देखावल जाई. आजु ओही साक्षात्कार का बारे में जानकारी देत नाविका कुमार आ सुशान्त सिन्हा आपने साक्षात्कार करा लिहलन आ ओकर वीडियो आजु अपना चैनल पर देखावे लागल बाड़न. दावा वा कि एह साक्षात्कार से मोदी पूरा चुनाव के नैरेटिवे (विमर्श कहल शायद ओतना असर ना पैदा कर पाई) बदल दिहें.

जइसन टीजर होखल करेला वइसहीं एहू टीजर के पूरा देखलो का बाद रउरा थाह ना पाएब कि का कहिहें पीएम मोदी. एहसे काल्हु टाइम्सनाऊ नवभारत के ई खबर बहुते खबरन के जनम करा दी. एहसे बढ़िया रही कि रउरो पहिले ओह साक्षात्कार के देख लीं. बाद में त हमहूं कोशिश करब कि कुछ अलगा कोण से देख रउरो के परोसीं.

खुद टाइम्सनाऊ नवभारत अपना वीडियो का साथे लिखले बा कि –

Lok Sabha Election 2024 को लेकर PM Modi का Interview लेकर आए Times Now Navbharat की Editor-In-Chief Navika Kumar और Sushant Sinha ने ‘नवभारत’ से बातचीत में हुई दिलचस्प बातों का कुछ यूं खुलासा कि