भउजी हो !

तू सोशल मीडिया पर काहें ना आव ?

हमरा चलते ?

ई त बड़ा जोरदार बतवलू.

ठीक कहलू ह भउजी. हमहूं अब कोशिश करब कि नात-रिश्तेदारी, हित-मीत किहां आवेृ-जाए के सोचब. बाकिर एहि पर एगो पुरान घटना इयाद आ गइल.

कई बरीस से गाँवे जाए के मौका भा जरुरते ना बुझाइल रहे. ओह साल फगुआ का मौका पर हम गाँवे गइल रहीं. चाचा रहलन. भोरे धूर-खेल का बेरा कहनी कि चलीं ना गाँव में घूमल जाव. कहलन कि अब केहू कहीं आवत-जात नइखे. महटिआवऽ. बाकिर हमरा से महटिआवल पार ना लागल. ओह बेरा त ना बाकिर दुपहरिआ में सती स्थान पर चहूँप गइनी. दू तीन लोग ढोलक-झाल लिहले फगुआ गावे के रस्म पूरावत रहल. हमहूं शामिल हो गइनी. कुछ देर में कहनीं कि चलीं ना अब गाँव में घूम लीहल जाव. कहल लोग कि अब गाँव में फगुआ-गोल नइखे घूमत. बाकिर हमरा कहला पर लोग चल दीहल बाति मानि के. गँवे-गँवे लोग शामिल होत गइल आ हमनी के पूरा गाँव के हर घर-दुआर पर घूम लिहनी सँ, बहुते लोग अचरज में पड़ जाव आ असहजो हो जाव लोग. काहें कि केहू किहां गड़ी-छोहाड़ा शरबत के इंतजामे ना रहल. सभे निफिकर रहे कि के आवे वाला बा !

ठीक कहतारू भउजी. बाकिर अब ई मसला हल नइखे होखे बाला. बेमारी अतना बढ़ि गइल बा कि आगे के सोचिए के मन काँप जात बा.