सिवान जिला के मुफस्सिल इलाका में बढ़नी गांव का नियरा लूटपाट के विरोध करत होमगार्ड के जवान के अपराधी गोली मार के गंभीराहे घवाहिल कर दिहले.

पुलिस बतावत बिया कि होमगार्ड जवान दूधनाथ बैठा अतवार का साँझ आपन ड्यूटी पूरा क के अपना गाँव बढ़नी जात रहलन तबहिए उनकर नजर गांवे का लगे एगो मोटर साइकिल सवार से लूटपाट करत कुछ बदमाशन पर पड़ल. होमगार्ड जवान जब लूटपाट रोकल चहले त अपराधी सब उनुका के गोली मार दिहले.

घवाहिल जवान के सिवान अस्पताल मे भरती करावल गइल बा.
(वार्ता)