अजगर | anjoria.com

अजगर

– संतोष कुमार

गाँव के गाँव लील रहल बा
नीमिया के छाँव
पानी के पाँव
कुल्ही लील गइल
अजगर.

भले ओकर नाम शहर बा
बाकिर ओकरा मे बड़ा जहर बा
जहर बा छल कपट के, दुराव के, तनाव के
विष बा धोखा के, चपलूसी के, बिखराव के
उजड़ गइल गाँव गोरी के माँग नियन
विधवा के मुंह लेखा
सुखल, पाकल, झुराइल.

बचल बा अब नावे के हमार गाँव
ना भोर के लाली बा
ना चाँदनी के छाली बा
फाटल दुध नीयर
मौसम के रंग बा
ना ताल तलैया
ना मोहन के बँसुरी.

अब तऽ
गाँव में जियत बा लोग नावे के
सब कर टंगाइल बा ससरी
जानु लागल होखे फँसरी
गाँव के चमक तऽ
समा गइल अजगर के पेट में
जवना के भूख कबो ना ओराला
भले अदमी ओरा जाय.

(संतोष कुमार के भोजपुरी कविता संग्रह ‘भोर भिनुसार’ से)

नीमन लागल त एक बेर टीप दीं. बेकार लागल त दू बेर !

← पिछला लेख अगिला लेख →

0 Comments

अंजोरिया पर खोजीं -

श्रेणी-सूची

साहित्य | सतमेझरा | समाचार | सरोकार | किताब आ पत्रिका | शेयर-व्यापार | भोजपुरिया लाल | मनोरंजन | आपन बात | उपन्यास | कविता | कहानी | खुला मंच | चरचा | भाषा | व्यंग | समीक्षा |

आपन टिप्पणी, लेख, कहानी, कविता, विचार भेजे खातिर -

anjoria@rediffmail.com

अगर राउर रचना पहिला बेर आ रहल बा त आपन एगो रंगीन पासपोर्ट साइज फोटो साथ में जरूर डाल दीं.

पाठक-पाठिकन के राय विचार प्रतिक्रिया..

Editor March 11, 2026
on कौड़ी-कौड़ी माया जोड़ी
Editor March 10, 2026
on लउकत बा पर ठेकत नाहीं
Editor March 10, 2026
on गोरखपुर के भोजपुरी संगम के 193वीं बइठकी
Editor August 23, 2025
on घोड़ा अड़ल काहे
Anonymous June 25, 2025
on कुलछनी

🤖 अंजोरिया में ChatGPT के सहयोग

अंजोरिया पर कुछ तकनीकी, लेखन आ सुझाव में ChatGPT के मदद लिहल गइल बा – ई OpenAI के एगो उन्नत भाषा मॉडल ह, जवन विचार, अनुवाद, लेख-संरचना आ रचनात्मकता में मददगार साबित भइल बा।

🌐 ChatGPT से खुद बातचीत करीं – आ देखीं ई कइसे रउरो रचना में मदद कर सकेला।