बिहार के 16वीं विधानसभा ला चुनल गइल महागठबंधन के विधायकन के बइठक काल्हु पटना में होखी जवना में नीतीश कुमार के नेता चुनल जाई. राजद विधायक दल के नेता के चुनाव आजुए हो जाई आ अधिका उमेद बा कि जेकरा के चुनल जाई ओकरा के उपमुख्यमंत्री बनावल जाई. जदयू आ कांग्रेस के विधायक दलन के बइठक काल्हु होखी जवना में ई लोग आपन आपन नेता चुनीहें. वइसे नीतीश कुमार विधायक ना विधान पार्षद हउवन आ ऊ चुनाव ना लड़ल रहलन.
बिहार के मौजूदा नीतीश सरकार के कैबनेट का आखिरी मीटिंग काल्हु होखी जवना में 15 वीं विधानसभा के भंग करे के सिफारिश राज्यपाल से करे के फैसला कइल जाई. एह प्रस्ताव के राज्यपाल के मंजूरी मिलला का बादे नयका सरकार बनावे के प्रक्रिया शुरू होखी.
महागठबन्हन के नेता के चुनाव काल्हु शनिचर का दिने
0 Comments