आजु दशहरा के मौका पर पटना के गांधी मैदान में रावण के पुतला दहन के आयोजन के सगरी तइयारी पूरा हो गइल बा. पिछला साल के हादसा का बाद एह साल पूरा चौकस इंतजाम कइले बावे प्रशासन. कई रास्तन पर गाड़ियन के चलावल मना हो गइल बा आ कुछ रास्ता के एकतरफा बना दीहल गइल बा. पुतला दहन भइला का बाद मैदान के चौबीसो गेट खोल दीहल जाई जवना से कवनो गेट पर भगदड़ के हालात मत बनो. गाँधी मैदान के निगरानी करे खाति चालीस गो सीसीटीवी कैमरा लगावल गइल बा.