आरा के अगिआँव बाजार इलाका के पोटरो गाँव के पुरनका मठिया में सोमार का रात चोर घुस के राम जानकी आ लक्ष्मण के बेशकीमती मूर्ति उखाड़ ले गइले. सबेरे पुजारी के लाश छत पर मिलल. अंदाजा लगावल जात बा कि चोरन के देख पुजारी हल्ला करे के कोशिश कइलन त चोर उनकर जम के पिटाई कइलन आ जान बचावे खातिर पुजारी छत पर भगले त पीछे पीछे चोरो छत पर आ के उनका माथ में गोली मार दिहलें.
पुलिस मामिला के तफतीश में लागल बिया बाकिर चोरी के कवनो सुराग नइखे मिलत.