भोजपुरी परदा पर रोमांटिक एक्शन फिलिम ‘छपरा एक्सप्रेस’ धमाल मचावे खातिर तइयार बिया.

रामास् मूवी मेकर्स के परोसल, एस.एस. क्रियेशन्स् के बनावल फिलिम ‘छपरा एक्सप्रेस’ में सुपरस्टार खेसारीलाल यादव आ शुभी शर्मा के प्रमुख भूमिका बा. निर्माता शिवनरायण बी. सिंह के एह फिलिम के निर्देशन कइले बाड़न प्रेमांशु सिंह जे एहसे पहिले ‘साजन चले ससुराल’, ‘देवरा पे मनवाँ डोले’ आ ‘भईया के साली ओढ़निया वाली’ जइसन सुपरहिट फिलिम निर्देशित क चुकल बाड़े.

‘छपरा एक्सप्रेस’ एगो छपरहिया नवही अर्जुन के कहानी ह. एहमें खेसारी आ शुभी के लव एंगल बा. साथी कलाकारन में आकाश सिन्हा, रश्मि गुप्ता, अजय सिंह, माया यादव, गौरी शंकर, नीलम पाण्डेय, प्रिया, सुबोध सेठ, आ राज प्रेमी बाड़े.

गीतकार हउवे प्यारेलाल यादव, संतोष पुरी आ कृष्णा बेददी. संगीतकार घुंघरू, कार्यकारी निर्माता प्रशांत द्विवेदी, ड्रेस डिजायनर कविता-सुनीता, एक्शन आर.पी. यादव, नृत्य कानू मुखर्जी अउर रामदेवन.

शूटिंग पूरा भइला का बाद एकर पोस्ट प्रोडक्शन के काम होखत बा. फिलिम के प्रोमो आ गाना देख लोग एकरा सफलता के अबहिए से चरचा करत बा.

(प्रशांत निशांत)