काल्हु मंगल का दिन से बिहार में इंटर परीक्षा शुरु होखे जा रहल बा जवना में राज्य के ६३५ केन्द्र पर सात लाख से बेसी परीक्षार्थी शामिल होखीहें. बोर्ड के कहना बा कि लड़िकन खातिर जिला मुख्यालयन पर आ लड़ीकियन खातिर अनुमंडल स्तर पर केन्द्र बनावल गइल बा. एह साल से परीक्षा सीबीएसई पैटर्न पर होखी. प्रश्नपत्र समुझे खातिर पन्द्रह मिनट अलग से दिहल जाई. सरकार एह इम्तिहान के कदाचार रहित करावे खातिर पूरा तइयारी कइले बिया आ सभका से सहयोग करे के निहोरो कइले बिया.
इंटर परीक्षा मंगल से
0 Comments