कौशाम्बी, 31 अगस्त (आईएएनएस). उत्तर प्रदेश के कौशाम्बी जिला में बुध का दिने दू सम्प्रदाय के लोग का झड़प में एक आदमी के मौत हो गइल आ 10 आदमी घवाहिल हो गइल बाड़े.

जिला के कोखराज इलाका में भइल झड़प में बयालीस साल उनिर के चांद मियां के मौत हो गइल जबकि दुनु तरफ के दस लोग घवाहिल हो गइले. झगड़ा लाउडस्पीकर बजवला के ले के भइल. अपर पुलिस अधीक्षक एम.पी. वर्मा आईएएनएस के बतवले कि हालात पूरा तरह से काबू में बा बाकिर तनाव का चलते पूरा इलाका में जिला पुलिस का साथे प्रांतीय सशस्त्र बल (पीएसी) के तैनाती भइल बा. इंडो-एशियन न्यूज सर्विस.