(अतवार 25 सितम्बर)
- गोरखपुर के बाबा राघवदास मेडिकल कॉलेज में इंसेफलाइटिस के मरीजन खातिर एक सौ बिस्तर वाला वार्ड बनावल जाई. मुख्यमंत्री मायावती ई एलान कइले बाड़ी. अस्पताल में दू करोड़ रुपिया के लागत से आठ गो वेंटिलेटर लगावल जाई.
- शनिचर से होत लगातार बरखा का चलते पूर्वांचल के जनजीवन अस्तव्यस्त हो गइल बा. रेलवे ट्रैक पर पानी का चलते बनारस कैंट स्टेशन का लगे रेल परिचालन में बहुते दिक्कत आ रहल बा. पूरा पटरी पानी में डूबल बा. जौनपुर में कई जगहा मकान आ दिवाल गिरला का चलते अठारह लोग के मौत हो गइल बा. बरखा अबही एक दू दिन अउरी होई.
- अमर सिंह के 3 दिन में अस्पताल से छुट्टी दे दिहल जाई.
- औरैया जिला में पुलिस तीन गो तस्करन के चार लाख रुपिया के जाली नोट का साथे गिरफ्तार कइले बिया.
0 Comments