निजी एम्बुलेन्स चालकन के मनमानी के शिकायत मिलला पर जिलाधिकारी प्रभु एन सिंह सोमार के दुपहरिया जिला अस्पताल में धावा बोल दिहलें आ नाजायज तरीका से अस्पताल परिसर में खड़ा तीन गो एंबुलेंस के जब्त कर लिहलन. एह वाहनन के उचित कागजात ना मिलला पर जब्त कइल गइल. शिकायत रहुवे कि एह एंबुलेंसन के चालक डाक्टरन से साँठगाँठ कर के मरीजन के बनारस खातिर रेफर करवा लेलें आ फेर मरीज का परिजन से मनमाना किराया वसूले लें. जिलाधिकारी आदेश दिहलें कि एबुलेंस के किराया तय करवा के ओकरा के नोटिस बोर्ड पर लगावल जाव. साथही इहो तय कइल जाव कि निजी एंबुलेंस तय मानक पूरा करत होखसु.