गोण्डा 19 अप्रैल (वार्ता ). गोण्डा जिला के नवाबगंज इलाका हरिहरपुर चांईपुरवा गांव में जंगल से भटकि के आ गइल एगो बाघ छह जने के नोचि के घवाहिल क दिहले बा. बाघ का हमला से इलाका में दहशत के माहौल बनि गइल बा आ ओकरा के पकड़े ला लखनऊ से स्पेशल टीम बोलावल गइल बा.
वन विभाग के सूत्र बतवलें कि बाघ हमला कइला का बाद घन झाड़ियन में लुका गइल बा. बतवलें कि बाघ का हमला से नौमीलाल, रामनरेश, फारेस्टर आज्ञाराम, राजकिशोर आ एगो अउर आदमी के घवाहिल भइला के खबर बा.