पिछला दिने भोजपुरी फिलिम “जानेमन” ला एगो रोमांटिक गीत मुम्बई के रमणीक जगहा मड आईलैंड में फिलिमावल गइल. श्रेयस फिल्म्स का बैनर तले एह फिलिम के निर्माता प्रेम राय, सह निर्माता अरुण सिंह, आ निर्देशक अरविन्द चौबे हउवें.

प्यारे लाल यादव कविजी के लिखल एह रोमांटिक गीत के भोजपुरी सुपर स्टार खेसारी लाल यादव आ प्रियंका पंडित पर फिलिमावल गइल. नृत्य निर्देशक संजय कुर्वे के नृत्य निर्देशन देखेवालन के बहुते नीक लागे वाला बा. एह फिलिम के अउरी गीटकार न में आजाद सिंह आ मनोज मतलबी बाड़ें. संगीत घुँघुरू के त छायांकन प्रमोद पाण्डेय के बा.

फिलिम के कलाकारन में खेसारी लाल यादव, विराज भट्ट, काजल राघवानी, प्रियंका पंडित, शिखा मिश्रा, अनूप अरोरा, सत्य प्रकाश सिंह, अनूप जलोटा, अरुण सिंह, अभय राय, नवोदित गायक अनिल यादव, जसवन्त जायसवाल अउर संजय पाण्डेय शामिल बाड़ें.

(प्रशांत-निशांत)