चेन्नई 29 मार्च (वार्ता). भारतीय अंतरिक्ष अनुसंधान संगठन (इसरो) आजु तमिलनाडु के श्रीहरिकोटा अंतरिक्ष केंद्र से 2140 किलोग्राम वजन वाला एस बैंड संचार उपग्रह जीसैट-6ए लेके जात जीएसएलवी -एफ08 रॉकेट के सफल प्रक्षेपण कइलसि.
49.1 मीटर लमहर आ 415.6 टन वजन के ई रॉकेट 27 घंटा के उल्टी गिनती का बाद 1656 बजे सफलतापूर्वक उड़ान भरलसि. रॉकेट के चेन्नई से लगभग 80 किलोमीटर दूर श्रीहरिकोटा अंतरिक्ष केंद्र के दुसरका लांच पैड से छोड़ल गइल.
ई जीएसएलवी के 12वीं आ स्वदेशी क्रायोजेनिक इंजन साथे छठवीं उड़ान रहुवे. उड़ान भरला का 17 मिनट 46.5 सेकंड बाद ओकरा साथे गइल उपग्रह अलग हो जाई आ 36 हजार किलोमीटर के ऊंचाई पर भूस्थैतिक कक्षा में स्थापित हो जाई.
ई उपग्रह हाई पावर एस-बैंड संचार उपग्रह हवे, जवन अपना श्रेणी में दुसरका ह. भारत एहसे पहिले जीसैट-6 लांच कर चुकल बा. आजु भेजल उपग्रह, अगस्‍त 2015 से धरती के कक्षा में चक्‍कर लगावत जीसैट-6 के मदद ला भेजल गइल बा. एकरा में बेंवतगर संचार पैनल आ उपकरण लगावल गइल बा. एह उपग्रह में लगावल छह मीटर के कॉम्‍पैक्‍ट एंटीना धरती पर कतहिंओ से उपग्रह कॉलिंग के आसान बना दी.