- गोपालगंज जिला के बरौली थाना के पेटबिरौचा गांव में आजु जमीन का झगड़ा में एगो आदमी के गोली मार के हत्या क दिहल गइल.
- भदोही के एगो कालीन कारखाना में छापा मार के दू दर्जन बंधुआ बाल मजदूरन के आजाद करावल गइल.
- अखिलेश सिंह यादव के चाचा आ सपा के महासचिव रामगोपाल यादव सकरलन कि अधिकारियन के काम करे का तरीका का चलते यूपी के कानून-व्यवस्था खराब हो गइल बा.
- गोरखपुर के सहजनवा टीसन का लगे पटाखा के गैरकानूनी दुकान में आग लगला का चलते नाहियो त 27 गो दुकान जर के राख हो गइली स. गनीमत बा कि केहु के जान ना गइल.
- गोण्डा जिला के तरबगंज इलाका में काल्हु रात बिजली के तार टूट के गिरला का चलते एगो लड़िका के करंट लगला से मौत हो गइल.
- सिवान जिला के हसनपुर प्रखंड के एगो गाँव में काल्हु मंगल के देर रात एगो घर में डकैती डाल के भागत एगो डकैत के गाँव वाले ध लिहले आ पीट पीट के हालत खराब क दिहले. आजु बुध का दिने अस्पताल में ओकर मौत हो गइल.
- उत्तर प्रदेश में विरासत के झगड़ा में मिर्जापुर से अपना दल के सांसद अनुप्रिया पटेल आ उनकर बड़ बहिन पल्लवी पटेल एक दोसरा से अझूरा गइल बा लोग.
- गोपालगंज जिला के थावे इलाका के पिठौरी गांव में आज घरौंदा बनावे खातिर माटी खोनत दू गो बच्ची माटी में दबा के मर गइली सँ.
- रोहतास जिला के दरिगांव थाना के बेलहर गांव में आजु जमीन के झगड़ा ले के बड़ भाई गड़ाँसी से अपना छोट भाई के हत्या कर दिहलसि.
0 Comments