जर्मनी के राजदूत माइकल स्टीनर संगे मुख्यमंत्री बिहार जीतन राम माँझी
- भारत में जर्मनी के राजदूत माइकल स्टेनर मंगलवार को पटना में बिहार के मुख्यमंत्री जीतन राम मांझी से मुलाकात की। इस बैठक में जर्मनी एवं भारत के संबंधों की चर्चा की गई। बैठक में जर्मनी ने बिहार को कृषि के क्षेत्र में सहयोग देने का आश्वासन दिया।
- लोक आस्था के महापर्व छठ के चार दिन के व्रत के दुसरका दिने आजु ‘खरना’ का साथ 36 घंटा के निर्जला उपवास शुरू हो गइल जवन परसों बियफे का दिने सबेर में आदित्य के अरघ दिहला का बाद पूरा होखी. एह बीच काल्हु साँझ के सूर्यास्तो बेरा आदित्य के अरघ दिहल जाई.
- उत्तर प्रदेश के अलीगढ़ जनपद में लापता बहिन के खोजे ला भटकत परेशान नवही आजु मंगल के दुपहरिया में एसएसपी दफ्तर के बाहर आत्मदाह करे के कोशिश कइलसि. मौका पर मौजूद पुलिसवाले ओकरा के बचा लिहले आ गिरफ्तार क लिहले.
- वाराणसी के जनसा इलाका में आजु एगो औरत के आग से झउँसला का चलते मौत हो गइल. आग कइसे लागल एह बात पर संदेह होखत बा.
- वाराणसी तहसील कार्यालय का सोझा आजु मंगल का सबेरे सड़क पार करत एगो निजी स्कूल के बस कंडक्टर के मौत ट्रक से कचरइला का चलते हो गइल.
- जौनपुर जिला के सिधवन औद्योगिक क्षेत्र में देशी शराब बनावे के एगो नाजायज फैक्टरी के भंडाफोड करत पुलिस दू जने के गिरफ्तार क लिहलसि.
- उत्तर प्रदेश में सरकार चलावे वाला समाजवादी गोल अगिला महीना होखे जात जम्मू कश्मीर आ झारखंड विधानसभा चुनाव में आपन उमीदवार खड़ा करी.
- गोण्डा के देहात कोतवाली इलाका में एगो बिआहल औरत फांसी लगाके जान दे दिहलसि.
- गोरखपुर के पीपीगंज इलाका में सोमार का रात दू गो गाड़ी टकरइला से भइल सड़क हादसा मे दू जने के मौत हो गइल आ छहजने घवाहिल हो गइले.
- अपना दल के अध्यक्षा कृष्णा पटेल आजु अपना छोटकी बेटी आ मिर्जापुर से सांसद अनुप्रिया पटेल के पार्टी के राष्ट्रीय महासचिव पद से हटा दिहली. बतावल जाता बा कि ऊ पार्टी में अनुप्रिया के पति के दखलदाजी का चलते नाराज बाड़ी.
- राज्यसभा चुनाव के घोषणा होखते उत्तर प्रदेश से राज्यसभा पहुंचे ला सगरी गोल में जोड़-तोड़ शुरू हो गइल बा. सपा के चार सीट मिलल पक्का बा आ एहमें बलिया के सांसद रहल आ प्रधानमंत्री रहल चन्द्रशेखर के बेटा नीरज शेखर के राज्यसभा भेजल जा सकेला. पिछला लोक सभा चुनाव में मुलायम के परिवार के लोग छोड़ दोसर कवनो सपाई ना जीत पावल.
- कबो छठ का मौका पर बिहार के मुख्यमंत्री आवास छठी मइया के गीतन से गुलजार रहल रहुवे बाकिर अबकी बेर ओहिजा सन्नाटा पसरल बा. लालू प्रसाद के सरकारी आवासो पर इहे हाल बा.
- रोहतास जिला के संझौली इलाका के बैरी गांव का बधार से सुर्यपुरा थाना के सुरहुरिया गाँव के एगो रिटायर्ड फौजी के लाश मिलल बा.
0 Comments