• धार्मिक आ आध्यात्मिक नगरी वाराणसी में आयोजित तीन दिन के अखिल भारतीय वैदिक सम्मेलन में वेद ज्ञाता माँग कइले कि विश्वविद्यालयन में वेद अध्ययन के अनिवार्य बनावल जाए.
• बिहार सरकार दशहरा भगदड़ का बाद पटना मेडिकल कालेज मे मचल अफरातफरी खातिर दोषी बतावत अस्पताल के अधीक्षक डा॰ लखीन्द्र प्रसाद के निलंबित कर दिहलसि आ चार गो चिकित्सकन के तबादला कर दिहलसि.
• लोक जनशक्ति पार्टी अपना बिहार इकाई के फेर से बनावत पशुपति कुमार पारस के दुबारा प्रदेश अध्यक्ष बना दिहलसि.
• उत्तर प्रदेश के मऊ जिला के भाहर इलाकं में पारिवारिक कलह का चलते जान देबे के कोशिश में आग लगा लेबे वाला मरद मेहरारू के हालत बहुते खराब बनल बा.
• बिहार के रोहतास जिला के दरिगांव थाना के बुरई मोड़ का नियरा दू गो मोटरसाईकिलन के टकरइला से की टक्कर में दादी पोता समेत तीन लोग के जान चल गइल आ दू जने घवाहिल हो गइल बाड़े,
• भारतीय कालीन निर्यात संवद्र्धन परिषद केन्द्र सरकार के सहयोग से वाराणसी में 10 से 13 अक्टूबर ले चार दिन के इंडिया कार्पेट एक्सपो आयोजित करी जवना में 57 देश के चार सौ से अधिका आयातक शामिल होखीहे.
• बिहार के कैमूर जिला के अधौरा इलाका के खुखमा गांव के रहे वाला आ बड़का किराना व्यवसायी प्रभु साह के काल्हु देर रात अपहरण कर लिहल गइल बा.

आरा, बलिया, छपरा, देवरिया, सिवान, गोपालगंज. सासाराम, रोहतास, बक्सर, कैमूर, पूर्वी चंपारण, पश्चिमी चंपारण, गाजीपुर, मऊ, गोरखपुर, चंदौली, भदोही, वाराणसी, मोतिहारी, बेतिया, जौनपुर वगैरह भोजपुरिया इलाका के खबर भोजपुरी में पढ़े ला टटका खबर पर जाईं

टटको में टटका आज के खबर पढ़ीं…..