इलाहाबाद हाई कोर्ट एगो याचिका के सुनवाई करत राज्य सरकार से तीन हफ्ता का भीतर जबाब देबे के कहलसि कि डी॓एसपी के हत्या का बाद दू गो आश्रित के कवना आधार पर नौकरी दिहल गइल? जबकि अबहीं ले एकही आश्रित के नौकरी देबे के व्यवस्था बा. कोर्ट में एगो औरत याचिका दाखिल कर के अपना पति के मौत का बाद एही आधार पर दू गो आश्रित के नौकरी मँगले बिया कि डीएसपी जियाउल हक के हत्या का बाद सरकार उनुका घर के दू जने के नौकरी दिहले बिया.
ओने सीबीआई के अइसन कवनो सुबूत नइखे मिलत जवना से डीएसपी हत्या कांड में राजा भईया के हाथ बतावल जा सके.