एह घरी देश के करीब सगरी विश्वविद्यालय १०+२+३ का हिसाब से पन्द्रह साल में स्नातक के उपाधि देत बाड़े बाकिर दिल्ली विश्वविद्यालय एह साल से चार साल के स्नातक पाठ्यक्रम लागू कर दिहले बावे. एह कदम के बहुते विरोध होखत बा. लोजपा नेता रामविलास पासवान कहले बाड़न कि अगर देश के हर विश्वविद्यालय अपना अपना हिसाब से अलग अलग नियम कायदा बनावे लाग जाई त चारो तरफ अव्यवस्था पसर जाई. हालांकि दिल्ली विश्वविद्यालय के दावा कि बहुते विद्यार्थी चार साला स्नातक पाठ्यक्रम से आपन सहमति जतवले बाड़न.

एगो दोसरा खबर में बतावल गइल बा कि एह साल अगरेजी पत्रकारिता कोर्स खातिर कवनो प्रवेशपरीक्षा ना होखी जबकि हिन्दी पत्रकारिता खातिर हर साल का तरह एहु साल प्रवेश परीक्षा लिहल जाई.