जौनपुर जिला के सिंगरामऊ इलाका में शनिचर का भोर में एगो कच्चा मकान के दीवाल गिरला का चलते ओहमें सूतल दादी आ पोता के मौत हो गइल आ पतोहु घवाहिल हो गइल.
पुलिस बतावत बिया कि जगदीशपुर गांव में रामसूरत निषाद के पत्नी पचास साल के बेइला देवी अपना बारह साल के पोता शिवम आ पतोहु संगिता संगे सुतल रही जब दीवाल ओह लोग का देहि पर गिर गइल.
एह हादसा में बेइला देवी आ पोता शिवम के मौत हो गइल जबकि संगीता गंभीराह घवाहिल हो गइली. उनका के जिला अस्पताल मे भरती करावल गइल बा.
(वार्ता)