जौनपुर जिला के सराय ख्वाजा इलाका के मुसरौटी गांव का लगे शुक का देर रात दू गो मोटरसाइकिलन के आमने सामने टक्कर हो गइल जवना में दू गो नवहियन के मौत हो गइल आ एगो घवाहिल हो गइल.
पुलिस के कहना बा कि बेगमगंज निवासी बाइस बरीस के विकास सोनकर बाइक से सरायख्वाजा से जौनपुर तरफ आवत रहुवे आ शिकारपुर निवासी सतरजह साल के अमित यादव आ अठारह साल के संदीप यादव बाइक से जौनपुर शहर से घरे जात रहले. दुनु मोटरसाइकिल मुसरौटी गांव का नियता टकरा गइल जवना से विकास के मौके ठाँवे पर हो गइल आ घवाहिल अमित आ संदीप के जिला अस्पताल पहुँचावल गइल. एहिजा अमित के मौत हो गइल. संदीप के इलाज चलत बा.
(वार्ता)