सभे जाने ला कि बिहार के लोग जहँवे गइल आपना लगन आ मेहनत से सभकर सम्मान जीतल आ कबो केहु पर बोझ ना बनल. हालही में गुजरात में आयोजित बिहार दिवस समारोह आयोजित भइल जवना में मुख्यंमंत्री नरेन्द्र मोदी कहलन कि बिहार आ गुजरात के बहुत पुराना रिश्ता रहल बा. कहलन कि खुशी क बात बा कि बिहार अब तेजी से तरक्की करत बा.

एह अवसर पर बिहार के स्वास्थ्य मंत्री अश्विनी कुमार चौबे, भोजपुरी के मेगा स्टार आ लोकप्रिय गायक मनोज तिवारी के सम्मानित कइल गइल मनोज तिवारी अपना गायकी से जनता के मनोरंजनो कइलें. एह दौरान उत्साही जनता के काबू करे में पुलिस के बहुते मशक्कत करे क पड़ल.

मनोज तिवारी के कई गो फिल्म जल्दिए रिलीज होखे वाली बाड़ी सँ जवना में अनेके रूप में दर्शकन के मनोरंजन करत नजर अइहें.

(शशिकांत सिंह रंजन सिन्हा के रपट)