दिल्ली के निजामुद्दीन इलाका के एगो तबलीगी मरकज में हजारन मुसलमानन के शामिल भइला का बाद कई जने के कोरोना ध लिहले बा. सरकार आ प्रशासन के मनाही का बावजूद तबलीगी जमात ई मजमा जुटवले रहुवे. मामिला सामने अइला का बाद एह मजमा में शामिल अनेके लोगन के कोरोना का चपेट में अइला के खबर बा. आजु एह मरकज से 2361 लोग के बाहर निकालल गइल जवना में से 617 जने कोरोना के कोरा में घेराइल मिलल बाड़ें आ 24 जने के कोरोना हो गइला के रपट आइल बा.

एह आपराधिक हरकत का चलते प्रशासन सात जने का खिलाफ मुकदमा दर्ज कइले बावे जवना का बाद से जमात के आलिम मौलाना साद फरार हो गइल बा आ ओकर तलाश करत बिया पुलिस.

जमात के मजमा में शामिल लोग ओकरा बाद देश भर में पसर गइल बा आ ओहू लोग के खोज खोज के निकालल जा रहल बा कि ओह लोग के कोरोना जाँच करावल जा सके. तबलीगी जमात के एह हरकत का बाद देश भर में बहुते मुसलमान कोरोना का चपेट में आ गइल बाड़ें आ अउरिओ ढेर लोग के बेमार पड़े के अनेसा जतावल जा रहल बा.

कोढ़ में खाज का तरह एह हरकत का बाद देश भर में मस्जिदन में से खोज खोज के एह लोग के निकालल जा रहल बा आ कईएक मस्जिदन के जिम्मेदार लोग का खिलाफ मुकदमा दर्ज करावल गइल बा. मुसलमानन के बदनाम करे वाली एह हरकत से देश भर में कोरोना बढ़े के रफ्तार तेज हो गइल बा आ अनेसा जतावल जा रहल बा कि कोरोना कहीं आपन तिसरका डेग मत बढ़ा लेव. ओकरा बाद कोरोना बेसम्हार हो जाई आ शायद एही मकसद से ई मजमा लगावल गइल रहुवे.

एह मजमा में आइल विदेशी मुफ्ती मौलवी आ मजहबी प्रचारकन का खिलाफ कार्रवाई करे के संकेत देश के गृह सचिव अजय भल्ला के कहना बा कि जे लोग वीसा में गलत जानकारी दे के आइल मिली ओकरा के आगे ला करिया सूची में डालि के छँटुआ बना दीहल जाई.

एह मजमा में शामिल हो के बिहार लवटल 146 जने में से 40 जने के खोज निकालल गइल बा. एह 40 में 37 गो विदेशी बाड़ें आ दू गो यूपी के बाड़ें.