निर्माता निर्देशक रामाकान्त प्रसाद के फिल्म “दिलजले” कुमारी माई मूवीज आ आदिशक्ति इन्टरटेनमेंट का बैनर में बन रहल बा. एह फिल्म में भोजपुरी सिनेमा के बादशाह अभिनेता दिनेश लाल यादव किंग आ भोजपुरी सिनेमा के स्टार अदाकारा रानी चटर्जी पहिला बेर एक साथे काम कर रहल बा लोग. साथी कलाकारन में विराज भट्ट, बाली, स्वाति वर्मा, आनन्द मोहन, रीतु पाण्डेय, संतोष श्रिवास्तव, गोपाल राय, संजय पाण्डेय आ नीरज राय पौडेल शामिल बाड़े. फिल्म के गीत आ संगीत अशोक कुमार दीप के बा. कुछ गीत प्यारेलाल कवि के लिखल बा. फिल्म के नृत्य निर्देशक कानू मुखर्जी हउवें. फिल्म के होली का आसपास रिलीज करे के योजना बन रहल बा.

(स्रोत – प्रशान्त-निशान्त)