आजु के विश्वासघात दिवस मनावत भाजपा कार्यकर्ता लोगन से जदयू के लोगन के कई जगहा पर झड़प भइल जवन पटना में ई झड़प हिंसक हो गइल आ अनेके लोग घवाहिल हो गइल.

जदयू के एगो नेता मुन्ना पटेल के गाड़ी से रायफल मिलल. ऊ रायफल ले के बंद समर्थकन के रोके निकलल रहलन.

आजु सबेरे नीतीश कुमार कहले रहलन कि भाजपा के बंद समर्थकन पर पुलिस के संगे संगे जदयू कार्यकर्तो नजर रखीहें. भाजपा के कहना बा कि एही उकसावा का चलते हिसा भइल.

भाजपा के बोलावल बन्द के असर बिहार में सगरो देखे के मिलल.

बद से दुपहिया वाहन के छूट रहुवे.

सुशील कुमार मोदी, रविशंकर प्रसाद, राजीव प्रताप रुढ़ी, डा॰ सीपी ठाकुर, शाहनवाज हुसैन समेत अनेके भाजपा नेता आपन गिरफ्तारी दिहलें.