बिहार के अकेला वेटिनरी कॉलेज के वेटिनरी काउन्सिल से मान्यता नइखे जवना चलते काउन्सिल साल २००६ आ २००७ के डिग्रीधरकन के निबंधित करे से इन्कार करत बिया. एह कॉलेज के स्थापना आजादी का पहिलही साल १९२७ में भइल रहुवे. शुरुआत में एह कॉलेज के राजेन्द्र कृषि विश्वविद्यालय का तहत रहुवे बाकिर बाद में बिहार कृषि विश्वविद्यालय सबौर का अधीन कर दिहल गइल एकरा के. एह साल जनवरी में वेटिनरी काउन्सिल के टीम एह कॉलेज के निरीक्षण कइले रहुवे आ कई मुद्दा पर सवाल उठवले रहुवे जवना के संतोषजनक जवाब काउन्सिल के नइखे मिलत.