सेंचुरियन का मैदान पर दक्षिण अफ्रीका के सामना करत भारत आजु तीसरा दिने हार का कगार पर खाड़ बा आ कवनो चमत्कारे ओकरा के हार से बचा सकेला. पहिला दिने १३६ रन पर ९ विकेट गँवा चुकल भारत दुसरका दिने बिना कवनो रन जोड़ले आउट हो गइल. ओकरा बाद दक्षिण अफ्रीका खेले उतरल त भारत के गेंदबाजन के अस धुनाई भइल कि ऊ चारे विकेट का नुकसान पर ६२० रन बना के पारी खतम करे के एलान कर दिहलसि. ओकरा बाद खेले उतरल भारत काल्हु दू विकेट का नुकसान पर १९० रन बनवले बा. भारत पहिलके पारी के रन का आधार पर अबहीं २९४ रन पाछा बा.