स्वतंत्रता संग्राम के जाबाँज सेनानी बाबू कुँवर सिंह के जन्मदिन का अवसर पर आजु पूरा राज्य में कई जगहा समारोह आयोजित कर के ओह “तेगवा बहादुर” के नमन कइल जाई. भाजपा का तरफ से राजधानी पटना में दौड़ आयोजित कइल गइल बा. मरदन के दौड़ जगदेव पथ से शुरु हो कारगिल चौक तक जाई जबकि औरतन के दौड़ आर ब्लाक चौराहा पर लागल बाबू कुँवर सिंह के मूर्ति से कारगिल चौराहा तक जाई.

एह अवसर पर भाजपा के मुख्य समारोह श्रीकृष्ण मेमोरियल हॉल में मनावल जाई जवना में भाजपा के पूर्व अध्यक्ष राजनाथ सिंह मुख्य अतिथि रहीहें.