आदि शक्ति इंटरटेनमेंट के परोसल फिलिमन के दर्शक बहुते बेसब्री से तिकवेलें आ इहे वजह ह कि आदि शक्ति इंटरटेनमेंट के हर फिलिम खूब हंगामा बरपावेली सँ.

एह घरी भोजपुरी सुपर स्टार खेसारी लाल यादव के एक्शन पैक्ड फिल्म “बेताब” बिहार का साथे साथ मुंबईओ में हंगामा बरपवले बिया. ई फिलिम दुनू टेरिटरी में सफलता के जश्न मनावत हर जगहा सुपर डुपर हिट भइल बा. एकरा ला बिहार आ मुंबई में लगभग २०० थियेटर बुक कइल गइल रहे.

फिलिम “बेताब” के निर्माण मयूरी पायल इंटरटेनमेंट के बैनर में स्वामी जी, अनुज कुमार आ कृषन्ना कुमार कइले बाड़े. निर्देशक हउवे जानल मानल निर्देशक सनोज मिश्रा आ अजय कुमार झा. कार्यकारी निर्माता महेश कुमार उपाध्याय, कहानी,पटकथा अउर संवाद लेखक अरविन्द तिवारी, गीतकार कृष्ना बेदर्दी, विभाकर पांडे आजाद सिंह अउर अरविन्द तिवारी, संगीतकार घुघंरू, नृत्य निर्देशक कानू मुखर्जी आ रामदेवन, मारधाड़ निर्देशक हीरा लाल यादव, संपादक गुरजंत सिंह आ कैमरामैन नीतू इकबाल सिंह.

“बेताब” के मुख्य कलाकार बाड़ें भोजपुरी सुपर स्टार खेसारी लाल यादव, सेक्सी बम अक्षरा सिंह, कृषन्ना कुमार, प्रिया शर्मा, किरण यादव, अभिलाषा, समर्थ चतुर्वेदी, संजु सोलंकी, अभय राय, श्रृद मिश्रा, युगनाथ पांडे, इकबाल राजभर, बबलू खान, देव सिंह, अनुप अरोड़ा अउर उमेश सिंह. साथे साथ डांसिग क्वीन सीमा सिंह आ ग्लोरी के आयटम नंबरो बा.
शशिकांत सिंह, रंजन सिन्हा