नीतीश सरकार का लाख चहला का बावजूद लागत बा कि बिहार में अपहरण उद्योग फेर पनपे लागल बा. पिछला नब्बे दिन में बीस गो अपहरण के घटना भइल बा.सोमार का दिने एही कड़ी में सीतामढ़ी जिला के सोनबरसा पीएचसी पर तैनात संविदा चिकित्सक योगेन्द्र प्रसाद के कुछ लोग अपहरण कर लिहल. बाद में मंगल के रात में पुलिस डाक्टर के रिहा करा लिहला में सफल हो गइल आ एगो संदिग्ध के गिरफ्तारियो भइल बा. गिरफ्तार आदमी देवेन्द्र ठाकुर ह जवना के पुलिस घटना के योजनाकार बतावत बिया. बाकी अपराधियन के गिरफ्तारी खातिर अबहियो बिहार आ नेपाल में छापा मारल जा रहल बा.
बिहार में अपहरण उद्योग के वापसी
0 Comments