अनुसूचित जाति आ जनजाति के बीएड विद्यार्थी पिछला तीन दिन से भूख हड़ताल पर बइठल रहलें काहे कि ओह लोग के महाविद्यालय ओह लोग के परीक्षा फार्म नइखे भरे देत. कॉलेजन के कहना बा कि जबले एह लोग के फीस ना मिल जाई तबले एह लोग के फार्म भरे ना दिहल जाई. फीस सरकार के देबे के रहल बाकिर अबही ले फीस ना भेजलसि जवना से एह विद्यार्थियन के पूरा साल चौपट होखे के कगार पर बा. एह लोग के बार बार गोहार लगवला का बावजूद प्रशासन अबहीं ले कुछ ना कइलसि आ विद्यार्थिओ लोग अड़ल रहे कि जबले समस्या के समाधान नइखे हो जात तबले भूख हड़ताल चलत रही. काल्हु उपजिलाधिकारी एह लोग के लिखित भरोसा दिहलें कि एह लोग के एडमिट कार्ड बिना कवनो शु्ल्क जमा कइले मिल जाई आ अगर कालेज प्रशासन अइसन ना कइलसि त ओह लोग पर कार्रवाई कइल जाई.
बीएड विद्यार्थियन के भूख हड़ताल टूटल
0 Comments