बेतिया के महारानी जानकी कुंअर अस्पताल के मेडिकल कॉलेज बनावे खातिर मेडिकल काउन्सिल के निरीक्षण दौरा होखे वाला बा. एह दौरा से पहिले अस्पताल में सगरी जरूरी प्रावधान पूरा करा लेबे खातिर जिला प्रशासन लागल बा. एही ला शनिचर का दिने जिलाधिकारी अस्पताल के दौरा कइलन आ अस्पताल प्रशासन के बता दिहलन कि अबकी कवनो कमी नइखे रहे देबे के आ हर निर्धारित मापदण्ड पर अबकी सही उतरे के चाहीं एह मेडिकल कॉलेज अस्पताल के.