पूर्वांचल मे आपन मौजूदगी दर्ज करावे भाजपा के प्रदेश प्रभारी आ राष्ट्रीय महासचिव अमित शाह एगो स्पेशल विमान से वाराणसी चहुँपले. एहिजा दू दिन का प्रवास में अमित शाह विंध्याचल देवी के दर्शन कइले आ फेर काशी विश्वनाथ मंदिर मे हाजिरी लगवले, साथही संकट मोचन समेत अउरिओ मंदिरन मे जाके दर्शन पूजन कइले.
मंगल का दिने अमित शाह काशी क्षेत्र के बइठक लीहें. पार्टी कार्यालय गुलाब बाग मे प्रदेश के सगरी मोर्चा अध्यक्ष आ प्रदेश पदाधिकारी एह बइठक में शामिल होखीहें. एहमें संगठन को नया कलेवर देबे आ चुनावी रणनीति पर विचार कइल जाई.
नौ अक्टूबर के सबेरे अमित शाह इलाहाबाद ला रवाना हो जइहें.
(वार्ता)