राजद सांसद उमाशंकर सिंह के निधन का चलते खाली भइल बिहार के महाराजगंज संसदीय सीट पर उपचुनाव २ जून के करावल जाई. एह खातिर ८ मई से १५ मई का बीच परचा दाखिल कइल जा सकी. परचा के जाँच १६ मई के होखी आ १८ मई ले नाम वापिस लिहल जा सकी. ओकरा बाद जरूरी भइल त २ जून के चुनाव आ ५ जून के वोट गिनल जाई.

महाराजगंज संसदीय सीट ला उपचुनाव के अधिका अहमियत एह से ना हो पाई कि लोकसभा के चुनावो कपार पर आ चुकल बा आ जेही जीती ओकरा साल भर भितरे दोसरका हाली चुनाव लड़े पड़ी.