काल्हु शनिचर का दिने मिर्जापुर जिला के चुनार तहसील के धौहा गाँव में केन्द्रीय इस्पात मंत्री बेनी प्रसाद वर्मा सौ करोड़ लगा के बने वाला स्टील प्रोसेसिंग कारखाना के शिलान्यास कइलन. एह कारखाना के एगो निजी कंपनी पीपीपी योजना का तहत लगाई आ केन्द्र सरकार एकरा ला सहयोग दी. नक्सल प्रभावित एह इलाका में एह कारखाना के खुलला से एहिजा के नवहियन के रोजी रोजगार मिले के संभावना बनी आ इलाका के विकासो होखी.

जान जाईं कि लोकसभा चुनाव जस जस करीब आवत जाई तस तस पाँच साल से सूतल सरकार एही तरह नया नया योजना के शिलान्यास करत जाई. उद्घाटन के नौबत आई कि ना से बाद में देखल जाई.