मुंबई मे बुध का रात भइल आईपीएल बीसबीसा मैच में कोलकाता नाइट राइडर्स मुबई इंडियंस टीम के बत्तीस रन से हरा दिहलसि. एह जीत से कोलकाता टीम के प्लेआफ में पहँचल करीब करीब पक्का हो गइल बा. अबहीं ले के अंक तालिका में चौदह मैच से बीस अंक ले के दिल्ली के टीम सबले उपर बा. कोलकाता टीम पंद्रह मैच से अनइस अंक का साथ दुसरा जगहा पर, अठारह अंक का साथ मुंबई इंडियंस तीसरा जगहा पर आ सतरह अंक का साथ चेन्नई के टीम चउथा जगहा पर बिया.