यूपी के अखिलेश सरकार के पहिलका बड़का विस्तार में काल्हु शनिचर का दिने राजभवन के गाँधी सभागार में एक दर्जन नया मंत्रियन के किरिया धरावल गइल. एही मौका पर नौ गो मंत्रियन के प्रमोशनो मिल गइल. एह एकइस मंत्रियन में से पाँच जने के कैबिनेट मंत्री, 8 जने के राज्यमंत्री स्वतंत्र प्रभार आ 8 जने के राज्य मंत्री बनावल गइल बा.
शनिचर का दिने भइल विस्तार में गाजीपुर के जहूराबाद विधायक फातिमा शादाब आ जौनपुर के शाहगंज से विधायक शैलेन्द्र यादव ललई के मंत्रीमंडल में जगह मिलल बा. दुनू जने के राज्य मंत्री बनावल गइल बा बाकिर फातिमा शादाब के स्वतंत्र प्रभार वाला मंत्री बनावल गइल बा.
सगरी मंत्रियन के विभाग के एलान बाद में करे के बात कहलन मुख्यमंत्री अखिलेश यादव.
यूपी मंत्रीमंडल विस्तार में गाजीपुर से फातिमा आ जौनपुर से ललई
0 Comments